Қазақ ақпарат айдынына www.kazlife.com атауымен келіп қосылған әлеуметтік желінің іргесі өткен жылдың наурыз айында қаланған еді. Наурыздың 21 күні Алматы қаласында ұйымдастырылған қазақ блогшыларының алғашқы құрылтайында тұсауы кесіліп, өз оқырмандарына концепциясы таныстырылды.

www.kazlife.com әлеуметтік ақпараттық желі. Қазіргі таңда ол ақпаратқа қол жеткізу, ақпаратты бөлісуге арналған құрал болып тұрақты түрде дамып келеді. Қолданушыларымыз аталмыш желіде отырып ғаламтордағы алуан түрлі сайттар мен сан түрлі контенттердегі ақпараттардың ең таңдаулысына қол жеткізеді.